
Event details
- Fimmtudagur | 9. mars 2023
- 20:30
Sorg og meðvirkni er umfjöllunarefni kvöldsins en sr Díana Ósk Óskarsdóttir, sjúkrahúsprestur ætlar að fjalla um sorgina, fjölþættar birtingarmyndir hennar og hvernig meðvirkni getur aukið enn á flækjustig sorgarinnar.
Fyrirlesturinn hefst kl 20.30 (á norskum tíma – 19.30 á íslenskum tíma) á zoom. Að loknu erindinu er boðið upp á umræður og samtal um málefnið.
Verið hjartanlega velkomin!
Díana Ósk Óskarsdóttir hefur auk embættisprófs og meistaragráðu í guðfræði lokið diplómanámi félagsráðgjafadeildar HÍ í vímuefnamálum, hún hefur alþjóðleg réttindi sem ICADC fíkniráðgjafi og er félagi í fagsamtökunum IC&RC. Díana hefur lokið klínísku námi í handleiðslufræðum frá félagsráðgjafardeild HÍ og er félagi í Handís, handleiðarafélagi Íslands.
Hún hefur lokið grunnnámskeiði í verklegri sálgæslu hjá Sr. Gunnari Rúnari Matthíassyni og námskeiðinu Dulúð og kristin íhugun hjá Dr. Pétri Péturssyni. Hún hefur einnig hlotið þjálfun hjá „Piu“ Patricia Mellody í Arizona „Post Induction Therapy Training” og tekið námskeiðin „Understanding and Treating Self-Injury and Self-Mutilationn Behaviors“ og „Getting to the Root of Pathology – Understanding and treating Trauma” hjá Dr. Patrick L. DeChello og „Meðferð fullorðinna þolenda ofbeldis í barnæsku. Ráðgjafatækni og núvitund sem hagnýt nálgun í starfi“ hjá Dr. Phyllis Gardner og „8 lyklar að öruggum bata eftir áfall“ hjá Dr. Sigurlínu Davíðsdóttur.
Hér er hlekkurinn á Zoom fyrirlesturinn: https://us02web.zoom.us/j/84683800769
Meeting ID: 846 8380 0769