Sköpunargleðin hefur verið rannsökuð í marga áratugi og niðurstöður benda á að við getum þjálfað sköpunargleðina okkar líkt og við getum þjálfað líkama okkar með æfingu.

Á þessum viðburði mun Birna fjalla um hvernig við getum þjálfað sköpunargleðina og náð meiri árangri í lífi og starfi.

Um Birnu Dröfn Birgisdóttur

Birna Dröfn hefur rannsakað hvernig efla má sköpunargleði á meðal starfsmanna í doktorsnámi sínu við Háskólann í Reykjavík og hefur þjálfað hundruðir einstaklinga og fyrirtæki í sköpunargleði.

Birna Dröfn er viðskiptafræðingur með meistaragráðu í alþjóðaviðskiptum frá Griffith University í Ástralíu. Einnig er hún stjórnendamarkþjálfi, hefur lært NLP (Neuro-linguistic programming) og mannauðsstjórnun og hefur meðal annars starfað við stjórnun og kennslu. Hún er meðstofnandi Bulby sem er sköpunargleðihugbúnaður sem byggir á rannsökuðum aðferðum til að efla sköpunargleðina.