fbpx

Dagsferð í Útilegufjör í Rokosjøen camping

Skemmtilegur valkostur

Við viljum vekja athygli á því að fyrir þá sem ekki eru mikið fyrir það að „sofa úti“ hlutanum af útilegu að það er að sjálfsögðu í boði sá valkostur að kíkja til okkar í dagsferð á t.d. laugardeginum og taka þátt og fylgjast með dagskránni.

Hér geta ungir og aldnir leikið sér og sprellað og kannski ekki síst á gott spjall við landa sína, gamla sem nýja. Rokosjøen camping er ekki nema ca. 1 tími og 20 mín frá Osló og því tilvalið að skella sér í smá bíltúr. 🚗

Í því samhengi viljum við líka benda á kaffihúsið sem er rekið á staðnum af þeim hjónum Valdísi og Sævari. 🥐🍕🍩🍦

Á föstudeginum bjóða þau upp á Taco hlaðborð á milli kl. 18-19.

Verð fyrir 12 ára og eldri 249,- kr.

12 ára og yngri 169,- kr

Frítt fyrir yngri en 4 ára

Fyrir sama verð verður á boðstólum á laugardagskvöldið kjúklingasúpu með sýrðum rjóma, rifnum osti og tortilla flögum.

Einnig er hægt að fá smurð og ósmurð nýbökuð rúnstykki bæði laugardag og sunnudag sem er hægt að sækja í afgreiðsluna frá kl. 8.30. og frá kl. 12. fyrir hádegismat.

Verð fyrir rúnstykki er:

ósmurt 17,- kr. stk.

smurt 54,- kr stk.

Mat og rúnstykki má panta í afgreiðslunni bæði svo hægt sé að gera ráð fyrir öllum sem vilja og til að koma í veg fyrir matasóun.

Einnig hægt að kaupa hjónabandssælu og fleira í slenskt bakkelsi í kaffihúsinu og panta pizzu. Þar selja þau líka gos, ís, snakk og sælgæti.

https://www.facebook.com/rokosjoen/