Fréttir

Aðventumessa og jólatréskemmtun í Bergen, 9.des.

Aðventumessa verður í   Ytrebygda kirke, Skagevegen 7,  5258 Blomsterdalen.  næstkomandi laugardag, 9. desember kl 13:00. Sóknarprestur íslensku kirkjunnar, sr. Ragnheiður Karítas Pétursdóttar þjónar fyrir altari.

Sönghópurinn í Bergen syngur undir stjórn og við undirleik  Tönju . Börnin kveikja á aðventukransinum og  Jólasunnudagaskólinn verður á sínum stað í umsjón Gígju Guðbrandsdóttur og Ólafar Halldóru Þórarinsdóttur..

Að messu lokinni verður kirkjukaffi og jólatréskemmtun í safnaðarheimilinu. Íslendingafélagið í Bergen sér um kaffi og saft, en gestir eru beðnir um að leggja veitingar á kaffiborðið.

Aðventuhátíð Íslendinga í Bergen og nágrenni er hátíðleg og skemmtileg stund þar sem íslensk jólastemming vaknar í hjörtum fólks. Verið hjartanlega velkomin !

Aðventumessa í Stavanger 10.desember

    Bilderesultat for 2. søndag i advent Sunnudaginn 10. desember, sem er annars sunnudagur í aðventu, verður aðventumessa í Sunde kirkju (Mjughøyden 9, 4048) Hafrsfjord/Stavanger, kl. 14. 

Stundina leiðir sr. Lilja Kristin Þorsteinsdóttir prestur Íslenska safnaðarins í Noregi.

Einsöngvari er Kristín Magdalena Ágústsdóttir. Organisti er Alexandra Orzechowska Nøtt.

Kveikt verður á aðventukransinum og  sunnudagaskóli verður  á sama tíma fyrir börnin. 

Að lokinni messu verður jólatrésskemmtun í safnaðarheimilinu í umsjón Íslenska Norska félagsins í Rogalandi og Ryfylke þar sem verður gengið í kringum jólatréð.

Fólk er beðið um að koma með á kaffihlaðborðið ef það hefur tök á því.

                                                                                                                   Verið hjartanlega velkomin!

Jólafundur 60+

  Það verður jólastemnig á fundinum okkar 7.desember. Að lokinni stuttri hugleiðingu, gæðum við okkur á jólasíld og besta heimalagaða rúgbrauði i heimi. Við fáum eimsókn af Arnt Vilsoni Arntsen. Arnt er vel að sér í lögum, réttindum og skyldum er varða eftirlaunamálin. Hann mun fræða okkur og leiðbeina í gegnum þann “frumskóg”. Ef þíð hafið spurningar nú þegar á reiðum höndum væri ágætt að skrifa þær niður og senda til sr.Lilju Kristínu eigi síðar en þriðjudaginn 5.des. slikt Arnt sjái betur hvar hann eigi að bera niður í viðmiklum málaflokki. Einnig verður tækifæri til þess að föndra ofurlítið fyrir jólin. Vonandi sjáumst við sem allra flest og eigum saman notalega stund. Allir eru hjartanlega velkomnir.

Jólastemning á Ólafíustofu

 

Fimmtudaginn 14. desember frá kl.11- 16  verður opið hús  fyrir gesti og gangandi, upplestur og  jólastemmning í Ólafíustofu, Pilestredet Park 20 í Osló,.

 

Lesnir verða valdir kaflar úr sögu Gunnars Gunnarssonar, AðventuUpplestur hefst  kl.12:30adventa

Aðventa kom út á íslensku árið 1939 og hefur verið gefin út á 10 tungumálum um víða veröld. Mörgum finnst sagan jafn ómissandi um jólin og jólaguðspjallið sjálft. 

Við hvetjum ykkur til að kíkja við í Ólafíustofu, heyra þessa dásamlegu sögu og njóta léttra veitinga í góðum félagsskap.  

Í hádeginu  jk,12:15 verður boðið upp á jólagraut, en fram eftir degi verður heitt á könnunni, bæði kaffi  og kakó. 

 

 

 Verið öll hjartanlega velkomin.

Jólatónleika Ískórsins

 
Mynd frá Ískórinn. 
Viljum vekja athygli ykkar á jólatónleikum Ískórsins, þann 9.desember kl.18:00
Tónleikarnir eru haldnir í St.Edmunds’s Church, Møllergötu 30, 0179 í Oslo. 
Aðgangur 150 kr. 
frekari upplýsingar eru að finna á facebook síðu kórsins.
 

Aðventuhátið 3.desember

Aðventuhátíð fyrir Oslóarsvæðið veadventrður haldin í Høvik kirkju, Sandviksveien 11, 1363 Sandvika, fyrsta sunnudag í aðventu (3.desember) . 

Listanefnd safnaðarins hefur sett saman metnaðarfulla dagskrá með stórsöngvurum, Ískórnum, og sönghópnum Laffa. 

Klassískar tónlistarperlur fylla dagskrána í flutningi einsöngvaranna 

Kolbeins  Jóns Ketilssonar tenórs og Dóru Steinunnar Ármannsdóttur sópran,  

Gróa Hreinsdóttir leikur á orgelið. Kórstjóri er Gísli Jóhann Grétarsson. Konsertmeistari er Hjörleifur Valsson.

Sr.Ragnheiður Karítas Pétursdóttir setur hátíðina. Varaformaður safnaðarins Jónína Margrét Arnórsdóttir ávarpar kirkjugesti . Hátíðarræðuna flytur Stefán Snævarr.  

Fermingarbörnin tendra fyrsta kertið á aðventukransinum og  sr. Lilja Kristín Þorsteinsdóttir flytur hugvekju

Sunnudagaskólinn  verður á sínum stað fyrir yngstu börnin.

Eftir hátíðina er gestum boðið upp  að þiggja kaffi og smákökur í safnaðarheimilinu.

Verið hjartanlega velkomin.

 

60 ára og eldri hittast

Á fimmtudaginn kemur Sigurdís Reynisdóttir í heimsókn í Ólafíustofu.
Sigurdís er sjúkraþjálfari og íþrótta- og heilsufræðingur..

Eftir að við höfum neytt léttrar máltíðar mun Sigurdís m.a. ræða um mikilvægi hreyfingar, á líkama og sál á ólíkum aldurskeiðum.

Það gefst einnig tækifæri til að bera fram spurningar og taka þátt í fræðandi og uppbyggjjulegu samtali.
Ef þú hefur áhuga og tækifæri til þess að koma og vera með, þó þú sért ekki orðin 60, ertu hjartanlega velkomin.

Messa og sunnudagaskóli

Guðsþjónusta  verður  á sunnudaginn 5.nóvember kl.14 i Nordberg kirkju.

Látinna ástvina og genginna kynslóða er minnst, .

Altarisganga og kveikt á kertum. Prestur tekur á móti fyrirbænarefnum.

Ískórinn syngur undir stjórn Gísla Jóhanns Grétarssonar. Kristín Magdalega Ágústsdóttir syngur einsöng.

Organisti er Gróa Hreinsdóttir.

Sunnudagaskólinn verður á sama tíma í umsjón Rebba og Rebekku.

Allir eru hjartanlega velkomnir og allar veitingar á kaffiborðið okkar eru vel þegnar.

 

 

 

 

In memorian

Tónlistarveisla, kaffi og kökur.
Sunnudaginn 22.okt. kl.15, komum við saman í minningu Ólafíu Jóhannesdóttur á fæðingardegi hennar.

Glæsileg tónlistar dagskrá stundarinnar er í höndum listanefndar safnaðarins. Ískórinn flytur verk Gisla Jóhanns Grétarssonar, Játningu Ólafíu.

Hjörleifur Valsson fiðluleikari og Gróa Hreinsdóttir píanoleikari, fara á kostum.

Hjartanlega velkomir til notalegrar samverustunda í húsi safnaðarins,

Ólafíustofu Pilestredet Park 20, 0176 Oslo

Fréttabréf haust 2017

Við viljum vekja athygli  á Fréttabréfinu okkar. 

Í sparnaðarskyni verður  þaö ekki sent út til til safnaðarmeðlima heldur verður eingönu á rafrænu formi. Áhugasamir geta  lesið Fréttabréfið  hér á heimsíðurnni og/ eða prentað það út.  Ef þið kjósið að fá Fréttabréfið í pappírsformi, en hafið ekki aðgengi að prentara, er bara að senda sr. Lilju Kristínu línu með nafni og heimiilsfangi.