Fréttir

Lilja Kristín Þorsteinsdóttir nýr prestur og fræðslufulltrúi íslensku kirkjunnar í Noregi


 

Sr. Lilja Kristín Þorsteinsdóttir hefur verið ráðin í stöðu prests og fræðslufulltrúa hjá íslensku kirkjunni í Noregi frá og með 1. janúar s.l. Hún tekur við af sr. Ásu Laufeyju Sæmundsdóttur. 

Lilja Kristín Þorsteinsdóttir er fædd árið 1969 í Reykjavík en alin upp á Húsavík

Hún hefur verið búsett og starfað hjá Norsku kirkjunni frá 2011, sem sóknarprestur í Fjaler í Sogn og Fjordane.

Lilja Kristín lauk embættisprófi frá Guðfræðideild við Háskóla Íslands, með fyrstu einkunn árið 1996 með siðfræði að sérsviði.  Hún vígðist til Íslensku þjóðkirkjunnar sem sóknarprestur á Raufarhöfn árið 1997.  

Árið 2000 var Lilja Kristin skipuð sóknarprestur í Ingjaldshólsprestakalli á Snæfellnesi. Síðar hóf hún störf í Breiðholtskirkju þar sem hún m.a. hafði umsjón með allri skipulagningu og framkvæmd á barna- og unglingastarfi kirkjunnar.
Lilja Kristin er gift Eiríki Jóni Gunnarssyni sem er tæknifræðingur að mennt saman eiga þau 3 börn. Fjölskyldan fluttist til Danmerkur 2006. Þar starfaði Lilja Kristín í «kirkens Korsher» með fólki á öllum aldri sem glímdi við áfengis og eiturlyfjavanda, geðraskanir og veikindi af ýmsum toga. Að auki fjölbreyttrar reynslu af prestsstarfinu hefur Lilja Kristín einnig víðtæka reynslu af kærleiksþjónustu, félagsstörfum, kennslustörfum og störfum er varða almannatengsl og heill.

Sr. Lilja Kristín verður sett inn í embætti við hátíðlega athöfn í Nordberg kirkju þann 15. janúar n.k. kl. 14 og verður messan auglýst sérstaklega.

Guð blessi hana í þjónustu fyrir Íslendinga í Noregi.

 

 

 

 

Hangikjötsveisla 60 ára og eldri 12. janúar í Ólafíustofu

hangikjotFimmtudaginn 12. janúar klukkan 12:00 verður árleg hangikjötsveisla fyrir 60 ára og eldri haldin í Ólafíustofu, Pilestredet Park 20, á vegum Íslensku kirkjunnar í Noregi.

Það má gera ráð fyrir góðri stemningu og boðið verður upp á íslenskt hangikjöt og viðeigandi meðlæti.

Allir 60 ára og eldri hjartanlega velkomnir.

Við hlökkum til að sjá ykkur,

Osvald, Rebekka, Áslaug og Helga.

Jólakveðja

Kæru Íslendingjesubarnar í Noregi!

Við biðjum ykkur blessunar á heilagri jólahátið.

Megi barnið í jötunni færa frið, mildi og kærleika inn í hjörtu ykkar og jólastjarnan lýsa upp líf og veru ykkar alla.

Prestar, starfsfólk og sóknarnefnd

 

Hátíðarmessa annan jóladag í Nordberg kirkju Ósló kl. 14.

nordberg-kirke-julHátíðarmessa verður annan jóladag (26.desember) kl.14 í Nordberg kirkju í Ósló. Sr. Ragnheiður Karítas leiðir stundina.

Ískórinn leiðir sálmasöng og hátíðarmessutón undir stjórn Gísla J. Grétarssonar. Hjörleifur Valsson leikur á fiðlu. Organisti verður Ole Johannes Kosberg.

Kirkjukaffi og jólaball eftir messu í umsjá Íslendingafélagsins.  Dansað í kringum jólatré, sungið og leikið. Glaðningur fyrir yngstu kynslóðina.

Verið hjartanlega velkomin til hátíðarstundar.

Jólamessa og jólaball í Þrándheimi 18. desember kl. 14

bakke-kirkeJólamessa verður haldin næstkomandi sunnudag, 18. desember í Bakke kirkju í Þrándheimi kl. 14.
Sr. Birgir Ásgeirsson leiðir stundina og Hjörleifur Valsson leiðir tónlistina ásamt kór Kjartans.

Sunnudagaskólinn verður á sínum stað undir messunni.

Jólamessukaffi og jólaball eftir messuna í samkomuhúsi Bakke kirkju.
Það verður glaðningur  í boði fyrir börnin og vonandi fáum við einhverja skemmtilega í heimsókn.
Verið hjartanlega velkomin !

Jólaguðsþjónusta í Hellemyr kirkju í Kristiansand 18. desember kl. 14.

jolaball-sunde-kirkjaJólamessa og jólatrésskmmtun í Hellemyr kirkju í Kristiansand (Bydalsveien 19, 4628 Kristiansand S) 4.sunnudag í aðventu 18. desember kl.14.

Sr. Ragnheiður Karítas Pétursdóttir leiðir stundina. Margrét Ólöf Magnúsdóttur, djákni hefur umsjón með sunnudagaskólanum.

Fermingarbörnin kveikja á kertum aðventukransins og aðstoða við helgihaldið.

Ian Richards spilar á orgelið og Kristín Magdalena Ágústsdóttir syngur einsöng.

Jólatrésskemmtun verður á sínum stað eftir guðsþjónustuna í safnaðarheimilinu þar sem dansað verður í kring um jólatréð, Glaðningur handa yngstu kynslóðinni. Jólakaffiveitingar í umsjón Íslendingafélagsins á svæðinu.

Verið hjartanlega velkomin.

 

Aðventumessa í Sunde kirkju í Stavanger 11. desember kl. 14.

sunde-kirkjaSunnudaginn 11. desember, sem er þriðji sunnudagur í aðventu, verður aðventumessa í Sunde kirkju (Mjughøyden 9, 4048) Hafrsfjord/Stavanger, kl. 14. 

Stundina leiðir sr. Ragnheiður Karítas Pétursdóttir sóknarprestur Íslenska safnaðarins í Noregi. Einsöngvari er Katrín Ósk Óskarsdóttir. Organisti er Vidar Vikøren.

Fermingarbörnin sjá um að kveikja á aðventukransinum og aðstoða við helgihaldið.

Sunnudagaskólinn verður á sínum stað í umsjón Þórunnar Ágústu Þórsdóttur. Þar verður sögð jólasaga, sungið og farið í leiki og föndrað jólaföndur.

Að lokinni messu verður jólatrésskemmtun í safnaðarheimilinu í umsjón Íslenska Norska félagsins í Rogalandi og Ryfylke þar sem verður gengið í kringum jólatréð.

Fólk er beðið um að koma með á kaffihlaðborðið ef það hefur tök á því.

                                                                                                                   Verið hjartanlega velkomin!

 

 

 

Aðventumessa í Tangen kirkju 9. desember kl. 14.

assidenAðventumessa verður í  Tangen kirkju Kirkebakken 1, Drammen, laugardaginn 9 desember kl.14.

Sr. Lilja Kristin Þorsteinsdóttir leiðir stundina. Ískórinn syngur og leiðir sálma- og messusöng undir stjórn Gísla J. Grétarssonar.  Organisti og undirleikari er Gróa Hreinsdóttir.

Kveikt verður á aðventukransinum og haft ofan af fyrir börnunum á meðan á messu stendur

Jólaball í umsjón Íslendingafélagsins í Drammen verður á sínum stað eins og fyrri ár þar sem yngsta kynslóðin fær glaðning.

Jólakirkjukaffi á eftir í safnaðarheimilinu. Verið hjartanlega velkomin til kirkju.

Upplestur úr Aðventu eftir Gunnar Gunnarsson 8. desember kl. 12 í Ólafíustofu

Fimmtudaginn adventa8. desember kl. 12 verður jólastemmning í Ólafíustofu, Pilestredet Park 20 í Osló þegar lesið verður upp úr bókinni Aðventu eftir skáldið og rithöfundinn Gunnar Gunnarsson. Við bjóðum upp á léttan hádegisverð og smákökur.

Aðventa kom út á íslensku árið 1939 og er ein vinsælasta bók Gunnars sem gefin hefur verið út á 10 tungumálum um víða veröld. Mörgum finnst sagan jafn ómissandi um jólin og jólaguðspjallið sjálft og lesa hana á hverju ári. Það hefur skapast hefð í Ólafíustofu á aðventunni að lesa upp úr þessari fallegu sögu Gunnars Gunnarssonar þar sem fólk getur kíkt við, hlustað og þegið léttar veitingar og átt saman gott samfélag.

Sagan segir frá hirðinum Benedikt sem leggur í ferð upp til fjalla á aðventunni í leit að kindum. Honum samferða eru bestu vinir hans, hundurinn Leó og hrúturinn Eitill. Þeir félagar lenda í hremmingum á leiðinni ásamt því að velta fyrir sér lífinu og tilverunni.

Við hvetjum fólk til að kíkja við í Ólafíustofu og heyra þessa dásamlegu sögu.

Verið öll hjartanlega velkomin til okkar á aðventunni.

Aðventumessa og jólatrésskemmtun í Skjold kirkju í Bergen 3. desember kl. 14

torgallmenningen-jul-hovedAðventumessa verður í Skjoldkirke, Skjoldlia 55, 5236 Bergen næstkomandi laugardag, 3. desember kl 14:00. Sóknarprestur íslensku kirkjunnar, sr. Ragnheiður Karítas Pétursdóttar þjónar fyrir altari. Söngstjóri er Tanja Johansen, Rebekka Ingibjartsdóttir spilar á fiðlu og Gróa Hreinsdóttir spilar undir á orgel.

Jólasunnudagaskólinn verður á sínum stað í umsjón Gígju Guðbrandsdóttur og Ólafar Halldóru Þórarinsdóttur þar sem verður sungið og sögð jólasaga og fleira skemmtilegt fyrir yngstu kynslóðina. Fermingarbörnin tendra ljósin á aðventukransinum og aðstoða í helgihaldinu.

Að messu lokinni verður kirkjukaffi og jólatréskemmtun í safnaðarheimilinu. Íslendingafélagið í Bergen sér um kaffi og saft, en gestir eru beðnir um að leggja veitingar á kaffiborðið.

Aðventuhátíð Íslendinga í Bergen og nágrenni er hátíðleg og skemmtileg stund þar sem íslensk jólastemming vaknar í hjörtum fólks. Verið hjartanlega velkomin !