Fréttir
Tónleikar kórsins Vox Felix
11. ágúst 2019
Þann 19. ágúst mun kórinn Vox Felix heimsækja Osló og halda tónleika í Sænsku kirkjunni Margeret Kyrkan tónleikarnir eru klukkan 20:00.
Nánari upplýsingar er hægt að nálgast á Facebook viðburð tónleikanna.
https://www.facebook.com/events/851183375278097/
Fundur með nýjum sendiherra Íslands í Noregi
9. ágúst 2019
Í morgun áttum við stuttan fund með nýjum sendiherra Íslands í Noregi, Ingibjörgu Davíðsdóttir og Karí Jónsdóttur, viðskipta- og menningarfulltrúa.
Það var skellt í mynd af tilefninu.
Frá vinstri: Karí, Ingibjörg, Inga, Jónína og Margrét.
Nýr starfsmaður á skrifstofu
8. ágúst 2019
Margrét Björnsdóttir Andersen hefur verið ráðinn í hlutastarf sem starfsmaður á skrifstofu safnaðarins. Við bjóðum hana velkomna og hlökkum til samstarfsins.
Skrifstofan opnar 13. ágúst aftur eftir sumarfrí og verður opin alla virka daga kl. 10:00 – 14:00.
Menningar- og listanefnd fundar með stjórn
7. ágúst 2019
Menningar- og listanefnd safnaðarins lagði fram metnaðarfulla dagskrá fyrir haust- og vorönnina á fundi stjórnar miðvikudaginn 7. ágúst. Fylgist vel með, viðburðirnir verða kynntir hér þegar nær dregur.
Í nefndinni eru Ómar Diðriksson, Freydís Heiðarsdóttir og Þórhallur Guðmundsson
Við bjóðum sr. Ingu Harðardóttur hjartanlega velkomna til starfa hjá okkur
1. ágúst 2019
Í dag er merkisdagur hjá Íslenska söfnuðinum í Noregi þar sem sr. Inga Harðardóttir hefur störf.
Inga er hingað komin ásamt fjölskyldu sinni og er þetta fyrsti dagur hennar hér sem sóknarprestur. Fyrstu dagarnir verða svolítið litaðir af því að hún er að flytja á milli landa og má reikna með hún verði aðeins laus við fram að miðjum mánuði.
En samt sem áður verður hennar fyrsta formlega verkefni sem sóknarprestur strax núna um helgina þegar hún mun skíra nýfæddan Íslending í Noregi.
Um leið og við óskum Ingu velfarnaðar í starfi þökkum við sr. Þóreyju Guðmundsdóttur, sem hefur verið staðgengill prests frá áramótum, kærlega fyrir sína þjónustu.
Ólafíustofa lokuð til 13. ágúst
30. júlí 2019
Ólafíustofa verður lokuð til 13. ágúst vegna starsmannabreytinga.
Ef þurfa þykir er hægt að hafa samband við formann í síma 968 14 591 og eða senda tölvupóst á [email protected]
Einnig er hægt að hafa samband við sr. Ingu Harðardóttir prest safnaðarins í síma 40 55 28 00 og eða senda tölvupóst á [email protected]
Ólafíustofa lokuð frá 27. maí – 7. júní
26. maí 2019
Ólafíustofa verður lokuð næstu tvær vikur og opnar aftur 11. júní. Ef þurfa þykir er hægt að hafa samband í síma 450 79 733 og eða senda tölvupóst á [email protected]
Rúnar Sigríksson
Vígsla nýs sóknarprests
26. maí 2019
Það er okkur mikil ánægja að tilkynna að nýráðinn sóknarprestur Íslenska safnaðarins í Noregi, sr. Inga Harðardóttir, var vígð í embætti í dag í Dómkirkjunni í Reykjavík. Athöfnin fór vel fram og veðrið skartaði sínu fegursta.
Sr. Inga Harðardóttir hefur verið starfandi æskulýðsfulltrúi Hallgrímskirkju sl. 6 ár. Hún útskrifaðist með cand.theol gráðu frá Guðfræðideild Háskóla Íslands árið 2012 og var það sama ár ráðin til starfa í Hallgrímskirkju. Inga kom víða við á námsferli sínum og stundaði m.a. nám í myndlist og heimspeki áður en guðfræðin vann hug hennar allan. Hún söng einnig í Kór Menntaskólans við Hamrahlíð, Hamrahlíðarkórnum, og síðar Mótettukór Hallgrímskirkju, þar til hún hóf störf í kirkjunni. Það hefur nýst Ingu vel að hafa breiðan bakgrunn enda verkefnin fjölbreytt í kirkjulegu starfi en fyrir utan hefðbundið hópastarf barna og unglinga hefur hún m.a. unnið ötullega að tónlistarstundum fyrir ungabörn sem kallast Krílasálmar og einnig séð um fermingarfræðslu fermingarbarna Hallgrímskirkju frá því að hún hóf störf þar. Inga útbjó einnig verkefnið Jólin hans Hallgríms fyrir jólin 2015, byggt á bók Steinunnar Jóhannesdóttur, þar sem skólabörnum er boðið að koma í heimsókn í í sögustund í Hallgrímskirkju á aðventunni. Það verkefni hefur slegið í gegn og hafa nokkur þúsund skólabörn notið þessara stunda í kirkjunni á aðventunni og er enn mikil aðsókn í ár. Inga er gift Guðmundi Vigni Karlssyni, tónlistarmanni, og eiga þau þrjú börn.
Biskup Íslands, sr. Agnes M. Sigurðardóttir, vígir Ingu Harðardóttir til prests í Dómkirkjunni.
Að lokinni vígslu: Sr. Inga Harðardóttir (til hægri) ásamt forvera sínum sr. Þórey Guðmundsdóttur.
Fyrstu verkefni Ingu verður að þjóna til altaris við tvær fermingarguðsþjónustur safnaðarins. Sú fyrri verður í Ósló þann 10. júní nk. og sú seinni þann 7. júlí í Seltjarnarneskirkju. Fermingarguðsþjónustan í Ósló fer fram í Nordberg kirkju og hefst kl. 14.00. Sr. Inga mun taka formlega við störfum þann 1. ágúst 2019.
Stjórn Íslenska safnaðarins í Noregi býður sr. Ingu velkomna til starfa og væntir mikils af henni í komandi stöfum sem sóknarprestur. Hvetjum við fólk til að fjölmenna til kirkju og taka vel á móti okkar nýja sóknarprest.
Atvinnutækifæri fyrir fólk sem finnst gaman að vinna með börnum og unglingum
20. maí 2019
Ertu leiðtogi? … og finnst gaman að vinna með börnum og unglingum?
Íslenski söfnuðurinn í Noregi auglýsir eftir starfsfólki í barna- og unglingastarf víðsvegar um Noreg.
Um er að ræða starf fyrir þrjá ólíka aldurshópa þ.e. sunnudagaskóla fyrir yngstu börnin og fjölskyldur þeirra, TTT starf fyrir 10-12 ára börn og unglinga. Til að byrja með verður miðað við einn viðburð í hverjum mánuði. Söfnuðurinn býður upp á stuðning og fræðslunámskeið í leiðtogafræðum í ágúst á hverju ári. Um launað starf er að ræða í öllum tilvikum.
Við leitum eftir starfsfólki sem hefur gaman af að vinna með börnum á ólíkum aldri. Við stefnum á að hafa virkt starf fyrir þessa aldurshópa á eftirfarandi stöðum: Osló, Sandefjord, Bergen, Stavanger, Þrándheimi, Tromsø, Haugasundi, Álasundi og Kristiansand. Við hvetjum sem flesta til að sækja um og vinna að hag og velferð íslenskra barna í leik og starfi.
Umsóknir sendist á [email protected] fyrir 1. júlí 2019. Nánari upplýsingar gefur Rebekka Ingibjartsdóttir í síma 948 63 356.
Vorferð eldri borgara 60+ fimmtudaginn 23. maí 2019
14. maí 2019
Framundan er árleg ferð eldri borgara. Mæting í Ólafíustofu kl. 09.30 en lagt verður af stað kl. 10.00 og keyrt áleiðis með rútu í átt að Hønefoss. Þar verður fyrsta stopp og má eiga von á óvæntum gesti við Veien Kulturminnepark. Frá Hønefoss verður haldið til Granavolden. Þar verður Steinhuset skoðað ásamt Systrakirkjunum og endað á Granavolden Gjestgiveri. Sjá dagskrá hér undir:
Dagskrá
Innlandet (Hønefoss/Kistefoss/Granavolden)
1. Hittingur og morgunhressing í Ólafíustofu kl. 09.30
2. Rúta frá Ólafíustofu kl. 10.00 áleiðis til Hønefoss
3. Fyrsta stopp Veien Kulturminnepark kl. 11.15 – 12.15
4. Granavolden – Leiðsögn um Steinhuset kl. 13.15 – 13.45. Leiðsögn á norsku annast Anne Lise Jorstad.
5. Tvíréttað á Granavolden Gjestegiveri kl. 14.30 – Framreiddur verður kjúklingaréttur með grænmeti og sætri kartöflu. Eftirréttur sem samanstendur af suðrænum ávöxtum og ostakremi ásamt kaffi.
6. Granavolden – Leiðsögn um Søstrekirkene kl. 16.15. Leiðsögn á norsku annast Grete F Solheim.
7. Rúta áleiðis til Oslo kl. 17.00 og áætlaður komutími í Ólafíustofu er kl. 18.30
Þátttaka tilkynnist fyrir 16. maí til formanns á tölvupóstfang [email protected] og/eða með SMS í síma 450 79 733.
Þátttakendur greiða einungis fyrir veitingar á Granavolden Gjestgiveri og skv. tilboði frá þeim þá gerir það 315 nkr. pr/pers.