Íslenski söfnuðurinn í Noregi > Þjónusta > Útför

Útför

images-1

Prestar safnaðarins annast útför Íslendinga og eru innan handar þegar andlát ber að.

Við missi ástvinar er sorg í huga og hjarta. Mikilvægt er að aðstandendur standi saman og tali um þá atburði sem orðið hafa og leiti styrks hjá hvert öðru. Huga þarf að börnunum og passa að þau verði ekki útundan eða afskipt þegar atburðir og tilfinningar eru ræddar.

Ef íslenskir aðstandendur vilja leita til prests sem talar þeirra móðurmál, þá er þeim velkomið að leita til presta Íslenska safnaðarins í Noregi.

Á sama tíma og tekist er á við sorgina kalla ýmis úrlausnarefni á athygli í sambandi við jarðarför. Starfsfólk útfararstofanna er mjög hjálplegt við að aðstoða, en stundum getur tungumálið valdið erfiðleikum, á það sérstaklega við þegar aðstandendur koma frá Íslandi til að ganga frá málum og hafa ekki búið í Noregi.

Ef óskað er eftir því að minningarathöfn eða útför fari fram á íslensku, að hluta eða öllu leyti, þá er hægt að leita til presta safnaðarins.

Prestar leitast við að veita Íslendingum í Noregi þá aðstoð sem þeim er möguleg.

Þjónusta presta safnaðarins við útför, áfallahjálp eða sálgæslu er Íslendingum að kostnaðarlaus.

Þér er velkomið að hafa samband.