Skírn 6.júní 2020

Linda Matthildur borin til skírnar

Hátíðleg skírnarathöfn fór fram í heimahúsi laugardaginn 6.6. 2020 en það var fyrsta skírnin á vegum safnaðarins í langan tíma. Linda Matthildur er löngu komin með nafnið sitt en beðið hafði verið eftir fallega skírnarkjólnum í póstinum í nokkrar vikur. Upphaflega átti skírnin að fara fram á Íslandi um páskana en nánasta fjölskylda gat verið viðstödd í gegnum skjáinn þrátt fyrir að ferðabann aðskilji fjölskylduna. Elsku Linda Matthildur var borin á blessunar- og bænarörmum allra sem elska hana og við óskum henni og fjölskyldunni allri til hamingju með skírnardaginn!