Allir Íslendingar í Noregi takið eftir!

10408794_10152162744796962_7667478683478588047_n

Kæru landar! Við þurfum þjóðarátak Íslendinga í Noregi

Blikur eru á lofti. Nú þurfum við að hjálpast að til að tryggja óskerta þjónustu Íslensku kirkjunnar við Íslendingasamfélagið hér í Noregi.

Hvaða breytingar hafa átt sér stað?

Norsk yfirvöld hafa ákveðið að meðlimir trúfélaga í Noregi þurfi héðan í frá að skrá sig sérstaklega í sitt trúfélag ellegar fái þau ekki lengur að njóta sóknargjaldanna sem norska ríkið greiðir út sem stuðning við okkar fjölbreytta safnaðarstarf. Að óbreyttu mun þetta kippa fjárhagsgrundvellinum undan þeirri víðtæku þjónustu sem Íslenska kirkjan veitir s.s. barna- og æskulýðsstarfi, fermingarfræðslu, eldri borgara starfi, sálgæslu, jarðarförum, giftingum, skírnum og svo framvegis.

Kostar þetta þig eitthvað?

Íslendingar búsettir í Noregi hafa hingað til ekkert þurft að greiða fyrir þá kirkjulegu þjónustu sem Íslenska kirkjan í Noregi veitir og þannig viljum við gjarnan hafa það áfram. Það er afar mikilvægt fyrir okkur öll að standa vörð um kirkjuna okkar og þá þjónustu um allan Noreg sem sóknarbörn eiga aðgang að á sínu móðurmáli.

Athugið! Að vera skráður í Íslensku kirkjuna í Noregi kostar ekkert og samkvæmt norskum lögum er enginn kirkjuskattur.

Hvernig fer ég að því að skrá mig í Íslensku kirkjuna í Noregi?

Hverjir þurfa að skrá sig?

Allir sem hafa tilheyrt íslensku kirkjunni eða vilja tilheyra henni þurfa að skrá sig.

Með Guðs blessun og kærri þökk, prestar íslensku kirkjunnar í Noregi.

 

 

60 ára og eldri athugið!

    Fyrirhugðuð samverustund 6. apríl er frestað til fimmtudagsins 27.apríl.  

 

Messa og sunnudagaskóli í Stavanger

Messa í Sunde kirkju sunnudaginn 26,mars í Stavanger kl. 14.
Prestur er sr.Lilja Kristin Þorsteinsdóttir. Organisti er Vidar Vikøren. Hjörleifur Valsson leiðir sönginn.
Fermingarbörn taka þátt i guðsþjónustunni og sunnudagaskólinn verður á sínum stað. Kaffiborð í umsjón Íslendingafélagsins verður að lokinni athöfn.

Kjörið tækifæri til notalegrar samverustundar með löndum sínum. Verið öll hjartanlega velkomin.

Fjölskylduguðsþjónusta í Sandefjord

Fjölskylduguðsþjónusta verður sunnudaginn 19. mars í  Sandefjord kl.14. 

Verið hjartanlega velkomin til uppbyggilegrar samveru fyrir börn og fullorðna í  Olavs kapellu  að Bjerggötu 56. 

Margrét Ólöf Magnúsdóttir djákni leiðir stundina.

Frekari upplýsingar um starfsemi íslenskra safnaðarins  i Vestfold er að finna á síðu Íslendingafélagsins Jötunns.

 

 

 

Guðsþjónusta í Þrándheimi

Messa verður í Bakke kirkju í Þrándheimi kl.14, sunnudaginn 19.mars.

 Prestur er sr.Ragnheiður Karítas Pétursdóttir. 

Kór Kjartans leiðir sálmasöng og messusvör undir stjórn Hilmars Þórðarsonar. 

Sunnudagaskólinn verður á sama tíma.

Kirkjukaffi á eftir í umsjá Elínar Soffíu Pilkinton safnaðarfulltrúa og Íslendingafélagsins.

Kjörið tækifæri til að eiga góða samverustund i félagskap annarra íslendinga. Allir eru hjartanlega velkomnir

60 ára og eldri hittast í Osló

  60 ára og eldri hittast 

Næstkomandi fimmtudag, 9. febrúar, hittast 60 ára eldri í Ólafíustofu Pilestredet Park 20 í Osló.

Við byrjum á stuttri kyrrðarstund kl. 12:15 sem sr. Lilja Kristín Þorsteinsdóttir leiðir áður en borðhald hefst kl. 12:30.

 Á boðstólnum verður léttur hádegisverður, súpa og brauð.  Endilega kíkið við í Ólafíustofu og njótum þess að eiga gott samfélag.

Sunnudagaskólinn

Sunnudagaskólinn verður á sínum stað, komandi sunnudag 5.mars i Nordberg kirkju kl.14.

Allir eru hjartanlega velkomnir í kirkjukaffi að guðsþjónustu og sunnudagaskólanum loknum.

Fermingarguðsþjónusta

Ákveðið hefur verið að hafa guðsþjónustu i Sandefjord, Bugarden kirkju 21.mai kl.14.

Fermt verður í guðsþjónustunni. Þau ykkar sem vilja nýta sér það hafi samband við sr.Lilju Kristínu

 

 

Taizé messa sunnudaginn 5.mars í Oslo

Sunnudaginn 5. mars verður guðsþjónusta í Nordberg kirkju í Osló kl.14. Sr. Ragnheiður Karítas Pétursdóttir leiðir stundina.
Ískórinn syngur undir stjórn Gísla Jóhanns Grétarssonar.
Sunnudagaskólinn verður á sínum stað með sögustund, söng og leikjum í umsjón Rebekku Ingibjartsdóttur.
Fermingarbörnin á Oslóarsvæðinu aðstoða. Kaffihlaðborð og samfélag í safnaðarheimilinu að guðsþjónustu lokinni.
Verið hjartanlega velkomin í Nordberg kirkju sunnudaginn 5. mars !

60 ára og eldri hittast í Osló 9. febrúar í Ólafíustofu

Næstkomandi fimmtudag, 9. febrúar, hittast 60 ára eldri í Ólafíustofu Pilestredet Park 20 í Osló.

Við byrjum á stuttri kyrrðarstund kl. 12:15 sem sr. Lilja Kristín Þorsteinsdóttir leiðir áður en borðhald hefst kl. 12:30. Á boðstólnum verður léttur hádegisverður á þjóðlegu nótunum.

Endilega kíkið við í Ólafíustofu og njótum þess að eiga gott samfélag saman.

                                                      

Guðsþjónusta í Nordberg kirkju í Osló 5. febrúar kl. 14

 

Næstkomandi sunnudag 5. febrúar verður guðsþjónusta í Nordberg kirkju í Osló kl.14. Sr. Lilja Kristín Þorsteinsdóttir leiðir stundina.
Ískórinn 
syngur í messunni undir stjórn Gísla Jóhanns Grétarssonar.

Sunnudagaskólinn verður á sínum stað með sögustund, söng og leikjum í umsjón Rebekku Ingibjartsdóttur.

Fermingarbörnin á Oslóarsvæðinu aðstoða við helgihaldið.

Kaffihlaðborð og samfélag í safnaðarheimilinu á eftir guðsþjónustunni. 

Verið hjartanlega velkomin í Nordberg kirkju á sunnudaginn !